குறிப்புக்கள் - (Notes)
வேறுபாடுகள் - (Pathanthara)
¹ - பூ₄ஷண ராம - பூ₄ஷண.

² - ஆத்மஜ வந்தி₃த - அஜ வந்தி₃த : சில புத்தகங்களில், 'ஆத்மஜ' என்ற சொல்லுக்கு 'பிரமன்' என்று பொருள் கொள்ளப்பட்டுள்ளது. 'ஆத்மஜ' தனியாக நிற்கையில், அதற்கு 'காமன்' என்று பொருளாகும். ஆனால், இவ்விடத்தில் 'காமன்' என்ற பொருள் பொருந்தாது. பிரமனுக்கு, 'ஆத்ம-பூ₄' (தான்தோன்றி) என்று பெயராகும். எனவே 'ஆத்ம-பூ₄' என்ற சொல்லை, தியாகராஜர் 'ஆத்மஜ' என்று மாற்றி பயன்படுத்தியிருக்கலாம்.

⁶ - த₄ர்ம பாலக - த₄ர்ம பாலன.
Top

மேற்கோள்கள்
⁶ - த₄ர்ம பாலக - அறங்காப்போன். இராமன் இலக்குவனுக்குக் கூறுவது -

"அறமே இவ்வுலகத்தில், அனைத்தினும் உயர்ந்தது. மெய்ம்மை அறத்தினில் நிலைபெறும். என்னுடை தந்தையின் இந்த ஆணை உத்தமமானதாகும். ஏனெனில் அஃது அறத்தினைத் தழுவியதாகும். தந்தைக்கும், தாய்க்கும், அந்தணனுக்கும் 'செய்வேன்' என்று வாக்களித்தபின், அறநெறி நிற்பவன், அதனை பொய்யாக்கலாகாது."

வால்மீகி ராமாயணம், அயோத்தியா காண்டம், அத்தியாயம் 21 (செய்யுள் 40,41) நோக்கவும்.
Top

விளக்கம்
³ - சந்த₃ன - பொதுவாக, இச்சொல்லுக்கு 'சிறந்த' என்று பொருளாகும். ஆனால், இதற்குமுன் வரும் 'ஸ்₁ரித' (அண்டியோர்) என்ற சொல்லுடன், இச்சொல்லுக்கு (சந்த₃ன) 'வேண்டியதை அருளும் வானோர் தருவாகிய அரி சந்தனம்' என்று பொருளாகும். தியாகராஜர், பல கீர்த்தனைகளில், 'ஸ்₁ரித மந்தார', 'ஸ்₁ரித பாரிஜாத' என்ற சொற்களைப் பயன் படுத்துகின்றார். அதுபோன்று, இங்கும் பொருள் கொள்ளப்பட்டது. மந்தாரம், பாரிஜாதம், சந்தானம், கற்பகம், அரி சந்தனம் என விரும்பியதையருளும் ஐந்து வானோர் தருக்களாகும்.

⁴ - த₃ஸ₁ துரங்க₃ - சம்ஸ்கிருத அகராதியின்படி 'த₃ஸ₁ அஸ்₁வ' என்ற சொல்லுக்கு 'இக்ஷ்வாகு குலத்தோன்றல்' என்று பொருளாகும். 'துரங்க₃' மற்றும் 'அஸ்₁வ' என்ற சொற்களுக்கு, 'குதிரை' என்று பொருளாகும். எனவே, தியாகராஜர், 'அஸ்₁வ' என்ற சொல்லினை 'துரங்க₃' என்று மாற்றியிருக்கலாம். ராமன் இக்ஷ்வாகு குலத்துதித்தவன்.

சில புத்தகங்களில் இச்சொல்லுக்கு 'கருட வாகனன்' என்று பொருள் கொள்ளப்பட்டுள்ளது. தியாகராஜர், பல கீர்த்தனைகளில் 'க₂க₃ துரங்க₃' என்ற சொல்லினை 'கருட வாகனன்' என்று பொருள்பட பயன்படுத்தியுள்ளார். ('க₂க₃' என்றால் 'பறவை' என்று பொருள்.) ஆனால், இங்கு, இதற்கு முன் வரும் 'த₃ஸ₁' என்ற சொல்லுடன் இணைக்கையில், அத்தகைய பொருள் கொள்ள இயலாது.

⁵ - சாரு நேத்ர - அழகிய கண்களோனே. இதற்கு அடுத்துவரும், 'ஸ்ரீ களத்ர' (மா மணாளன்) என்ற சொல்லினால், 'சாரு நேத்ர' - இலக்குமியின் அடைமொழியாகவும் கொள்ளலாம். அதன்படி, 'அழகிய கண்களுடைத்த இலக்குமியின் மணாளன்' என்று பொருள் கொள்ளலாம்.

அரவணிவோன் - சிவன்
தான்தோன்றி - பிரமன்
தாரக நாமம் - 'இராமா' எனும் நாமம் பிறவிக் கடலைக் கடத்துவிப்பதனால்
கடத்துவிப்பாய் - பிறவிக் கடலினைக் கடத்துவிப்பாய்
Top